XEDAPEN GEHIGARRIA
Arautegi hau UPV/EHUk berak antolatutako master guztiei ezarriko zaie. UPV/EHUk beste unibertsitate batzuekin batera antolatuko dituen programa ofizialen kasuan ere aplikatuko da arautegi hau baina, horrez gain, erakundeen arteko lankidetza hitzarmena hartuko da kontuan.
XEDAPEN IRAGANKORRA
Master ofizialetan aldaketarik egin nahi izanez gero, Doktoregoko Azpibatzordeak beren-beregi eman beharko du baimena eta horretarako dauden izapide guztiak egin beharko dira.
AZKEN XEDAPENETATIK LEHENENGOA
Arautegi hau 2011/12 ikasturtean sartuko da indarrean.
AZKEN XEDAPENETATIK BIGARRENA
Doktoregoko Azpibatzordeari ahalmena ematen zaio araudi hau garatzeko arau osagarriak eman ditzan eta ikasturtero datak, egutegiak eta eranskinak egunera ditzan, Akademia Antolakuntzako errektoreordearen proposamenari jarraituz.
Akademia Antolakuntzako errektoreordearen gain uzten da araudi hau ezartzean sor daitezkeen gorabeherak interpretatu eta ebazteko ahalmena.
AZKEN XEDAPENETATIK HIRUGARRENA
Doktoregoko Azpibatzordeari eskumena ematen zaio arautegi hau hurrengo ikasturteetarako egokitzeko.
XEDAPEN INDARGABETZAILEA
Indargabetuta geratzen dira araudi honekin bat ez datozen gainerako xedapen guztiak.