Onartuak izan diren eta izena emateko eskaria berretsi duten ikasleentzat besterik ez. Matrikula egiteko eguna titulazioaren antolatzaileek jakinaraziko dizute.

Matrikula GAUR aplikazioan egin behar da internet bidez, helbide honetan: http://gestion.ehu.es/gaur.

Onartua izateari buruzko jakinarazpenarekin batera emango dira aplikazio horretan sartzeko erabiltzailearen izena eta pasahitza.

Arazoren bat izanez gero, Berezko Ikasketen Atalera jo dezakezu (tel.: 946013137 eta 946013290; e-maila: titulospropios@ehu.es) eta bertan aurkeztu matrikula egiteko eskariaren inprimakia (graduondoko berezko titulua - pdf, 716kb / graduko berezko titulua  - pdf, 739kb) eta eskatutako gainerako dokumentazioa.

• Dokumentazioa 
• Matrikularen zenbatekoa  

Ondokoak dira matrikularekin batera aurkeztu beharreko agiriak:

• NANaren fotokopia, edo pasaportearena (ikasle atzerritarrak). 
• Graduondoko ikasketetarako sarrera tituluaren fotokopia erkatua, edo fotokopia eta jatorrizkoa, biak parekatzeko; edo titulua eskatu izanaren agiria. UPV/EHUn 1988az geroztik titulatuek ez dute agiri hori aurkeztu behar.
• Argazkia, atzeko aldean izena eta abizenak idatzita.
• Tasak ordaindu izanaren egiaztagiria, ondoko artikuluan zehaztutakoari jarraituz.
• Tasak murriztuak ordaintzeko eskubiderik izanez gero hori egiaztatzen duen agiria.

Dokumentazioa honako bulegoetan aurkeztu behar duzu:

Akademia Antolakuntzako Errektoreordetza
Berezko Ikasketetako Unitatea
Ikasgelategia II
48940 Leioa

Arabako Campuseko Errektoreordetza
Izarduy komandantea, 2
01005 Gasteiz

Bizkaiko Campuseko Errektoreordetza - "Larrako Etxea"
Lehendakari Agirre, 83
48015 Bilbao

Gipuzkoako Campuseko Errektoreordetza
Akademi Gestioko Bulegoa
Ignacio Mª Barriola eraikina
Elhuyar plaza, 1
20018 Donostia

MATRIKULAREN ZENBATEKOA

Matrikula ordaintzea

Ikasleak matrikulagatik ordaindu beharrekoa modu automatikoan kalkulatuko da matrikulako eskaria egitean.

Fakturazioa

Ez da matrikularen fakturarik sortzen.  Matrikula erakunderen batek ordaintzen badu, haren izena azaldu beharko da transferentziarako agindua eman duenaren lekuan, eta ikasleak eskatuz gero ziurtagiria emango zaio.

Ordainketa egiteko epea

Ikasleek bi epetan ordain dezakete matrikularen zenbatekoa, %50 bakoitzean. Lehenengoa matrikula egitean ordainduko da eta bigarrena:

• 2008. urtean matrikulatutakoek, otsailaren lehenengo astean;
•  2009. urtean matrikulatutakoek, apirilaren lehenengo astean.

Zorrak

Matrikula egitean ordaintzeko konpromisoa hartzen duzu.  Matrikula egin eta gero ikasleak berori ezeztatzea eskatzen baduzu, atzera emango zaizu ordaindutako dirua, baldin eta ikasturtea hasi ez bada.

Matrikula ezeztatzeko eskaria eskolak hasi eta lehen bi hilabeteen barruan egiten baduzu, ordaintzeke daukazun zatia ez da zortzat joko.

Matrikularen prezioa ezarritako epeetan ordaindu ezean, aurretik ordaindutako dirua galtzeaz gain, ordaintzeke dauzkazun zenbatekoak unibertsitatearen aldeko zortzat joko dira.

Ordainketa era

Matrikula era honetara ordaindu ahal izango da:

• Ikaslearen izena daukan ordainketa agiri bidez (matrikula egitean lortzen da). Ordainketa ondoren aipatzen diren hiru kutxetako batean egin behar da, eta ordainketa egitean, kutxak zigilua jarri behar du ordainagirian. Ordainagiri horren jatorrizkoa Berezko Ikasketen Atalera bidali behar da. Ikasleak kopia gordeko du eta horixe izango da ordainketa egiaztatzeko bere esku izango duen agiria.
• Baku-transferentziaren bidez
  Ordainketa egin ondoren diru-transferentzia egin izanaren egiaztagiria bidali behar da Berezko Tituluen Bulegora.

Tramite honek sor ditzakeen gastuak zure kontu joango dira, eta ez zaizkizu matrikularen prezioari deskontatuko.  Beraz, ziurtatu beharko duzu Berezko Tituluen Bulegoari matrikularen prezio osoa heltzen zaiola.

Diru-sarrerak honako kontu zenbakietako batean egin behar dira:

• BILBAO BIZKAIA KUTXA 20950292923239008657
  IBAN KODEA: ES8820950292923239008657
  SWIFT edo BIC KODEA: BASKES2B
• CAJA VITAL KUTXA 20970178120010960807
  IBAN KODEA: ES1120970178120010960807
  SWIFT edo BIC KODEA: CECAESMM097
• GIPUZKOA DONOSTIA KUTXA 21010381060003302783
  IBAN KODEA: ES5721010381060003302783
  SWIFT edo BIC KODEA: CGGKES22

Prezio publikoak murriztu edo ez ordaintzeko eskubidea:

• Familia ugari berezietako kideek ez dute ezer ordaindu beharko.
  
  
• Familia ugari orokorretako kideek matrikularen %50 ordaindu beharko dute.
  Familia ugari bateko kide izatea aldundiak edo erakunde eskudunak emandako agiri ofizialaren fotokopia konpultsatu baten bidez edo fotokopia eta jatorrizkoaren bidez, biak parekatzeko, egiaztatuko da; agiri hori iraungi gabe egongo da. Iraungita badago, agiri hori berritzeko tramiteak egiten ari direla egiaztatzen dutenek jaso ahal izango dituzte familia ugariaren onurak.
  
  
• Ekintza terroristen biktimek, eta euren ezkontide eta seme-alabek, salbuespen osoa izango dute.
  Ekintza terroristen biktimek, izaera hori egiaztatzeko, Barne Ministerioko Hiritarrentzako eta Terrorismoaren Biktimei Laguntza Emateko Azpizuzendaritza Orokorrak emandako agiria aurkeztuko dute.
  
  
• Ikasle gutxitu edo ezinduek, organo eskudunak onartuta ezintasunaren maila %33tik gorakoa dutenek, ez dute tasarik ordaindu beharko.
  Egoera hori aldundiak edo eskudun erakundeak emandako agiriaren bidez egiaztatu beharko da.